halganews

Hargeysa (Jam)- Shirweynihii labaad ee xisbiga mucaaradka ah ee KULMIYE ayaa la filayaa inuu Sabtida toddobaadka soo socda si rasmi ah uga furmo magaalada Hargeysa, kadib markii wadahadal lagu xalliyey muranno xisbiga gudihiisa ka jiray oo tiraba dhawr jeer hakad geliyey qabsoomidda shirweynaha.

Guddoomiyaha xisbiga KULMIYE Md. Axmed Maxamed Maxamuud (Siilaanyo) oo Jamhuuriya xalay khadka telefoonka ugu warramayey, ayaa sheegay in heshiis laga gaadhay waxyaabihii xisbiga dhexdiisa ka jiray oo dhan, isla markaana la isla oggolaaday in cid walba u hoggaansato wixii ka soo baxa gunaanadka shirweynaha labaad.

Su’aalihii la weydiiyey Axmed-Siilaanyo iyo jawaabihii uu ka bixiyeyna waxay u dhaceen:

Su’aal: Guddoomiye; waxa nagu maqaalo ah in shirweynihii KULMIYE furmayo Sabtida toddobaadka dambe, arrintaa maxaa ka jira?

Jawaab: Haa, arrintaasi waa run shirkiina wuu furmayaa, waxaannu noo furmayaa iyadoo wax waliba noo qurux badan yihiin oo wixii jiray oo dhanna wadatashi laga yeeshay.

S: Waxa jiray in dhawr jeer dib-u-dhacyo ku yimaaddeen shirka, hadda ma waxaad leedahay waannu dhammaysanay waxyaabihii lagu muransanaa oo dhan?

J: Adeer, khilaaf iyo muran ma jirin, balse waxaan kuu sheegay in waxyaabihii jiray oo dhan wadahadal lagu dhammeeyey.

S: Tirada ergooyinka shirka iman doonaa waxay ahayd 530 xubnood, ma intaas uun baa shirweynaha ka qaybgelaysa mise waad kordhiseen?

J: Wax waa lagu daray, wax dhibaato ahna kama jiraan arrintaas.

S: Guddoomiye; sida nagu maqaalo ah waxyaabaha xisbiga dhexdiisa muranka ka dhex dhaliyey waxa ka mid ahayd xulista xubnaha u tartamaya jagada Madaxweynaha iyo ku-xigeenka, taas hadda ma la soo afjaray?

J: Wax dhibaato ahi kama jiraan, Madaxweynenimo ayaa la isu taagi karaa, Madaxweyne-ku-xigeen baa laysu taagi karaa oo xisbi dimoqraadi ah ayaannu nahay, haddase maanaan gaadhin halkii lagu xulayey ee lagu kala saarayey oo waxaannu qabanaynaa waa shirweynihii xisbiga.

S: Yaa ka mid ah xubnaha hadda u sharraxan jagada Madaxweyne-ku-xigeenka?

J: Way soo bixi doontaa.

S: Guddoomiye; waxaad adigu hore u sheegtay in aad u taagan tahay musharaxnimada Madaxweynaha ee KULMIYE, sidaa darteed ma jirtaa xisbiga dhexdiisa cid gaar ah oo lala doonayo Madaxweyne-ku-xigeenka?

J: Cid aan gacan gaar ah la leeyahay ma jirto.

S: Shirweynahan waxaad ku soo dooranaysaan hoggaanka xisbiga shanta sannadood ee soo socda, markaa maadaama aad arrimihii lagu muransaa oo dhan wadahadal ku dhammaysateen maxaad ka filaysaa inay shirka ka soo bixi doonaan; ma inuu sii xoojiyo murannadii hore, mise in uu aad isugu soo kiin dhoweyn doono?

J: Waxay ila tahay waxaad ku celcelinaysaa intii hore ee aad I weydiisay, waannu dhammaaday oo cid is-haysataa ma jirto, waa jidka dimoqraadiyaddu marto, balse dadka qaarkii ayaa nooga dhiga, halkii ay ka ahayd in naloogu hambalyeeyo, waxaanuna ku heshiinay in cid waliba u hoggaansato wixii shirka ka soo baxa. Waad ogtahay xisbiyada qaarkood oo aan shirweynaba hadal hayn, kuwaas ayey ahayd in aad wax ka weydiisaan.

Jamhuuriya Sources.

< Prev		Next >

[ Back ]

Halganews iyo Qudbadaha jimcaha ee Masaajidka Xawaadle qudbadahan oo taxane joogta ah jimce walba halkan ka dhagayso Qudbadii Jimcahan 29.02.2008 iyo Sheekh Aadan Xaaji Maxamuud Xiiray(Aadan siiro)

Qoraalkan riix si aad u hesho ama aad u dhagaysato Qudbadihii Hore ee Sheekh Aadan Siiro

Hawl Galkii Badbaado ee lagu furtay Jeelka Mandheera 3/1/1983kii

Aniga, Xayd iyo ninkale oo sarkaal ahaa la yidhaa C/Raxmaan Maxamed Case oo naga mid ahaa waanu isu iljebinay markaanu aragnay 15ka isjiid ee magaalada badhtankeeda taagan. Waanu tashanay oo waxaanu isnidhi maxaynu samaynaa haddii la ina arko, ama ay inala hadlaan. Waxaanu gudoonsanay islamarkiiba hadday ina ogaadaan inaanu iyagaba ku bilawno oo aanaan halkiiba gaadhin baabuurtana ka qaadno....

Hawl-galkii Birjeex Ee lagula Baxay Col.C/lahi Askar

Xawligii uu Marxuum Ismaaciil gaadhigiisa ku dhexmariyey magaalada iyo kadib rasaastii uu ka ridey tiyaatarka agagaarkiisa halkaa oo waqtigaas uu Gaanni u fadhiyey in Cabdillaahi la keeno. Rasaastaas oo uu Haliil sheegay in aanay isku ogeyn, ayuu Cali isagu waxa uu ku tilmaamay mid u qorshaysnayd ganacsatadii iyo raggii kale ee caawinayey hawlgalka milateriga, looguna talagalay in lagu Yool habaabiyo Gaanni iyo ciidamadiisa oo waqtigaa goobta Ismaaciil ka ridey oo ahayd Tiyaatarka u fadhiyey in loogu keeno Cabdillaahi Askar oo Jidh iyo silic u dhammaaday si dadka loogu quusiyo.....

Labadaa dil midkood gacan ku dhiiglaha isagu geystey waxa laga raafey Cali-Xaydh

midi waa geesiyadaa oo marka cadawgu kula dagaalamayo nin-ba ninka uu ka qaalisan yahay ayuu abaaraa, Aadan Shiine iyo C/Qaadir Koosaar-na geesiyaal bay ahaayeen, waa ta labaad'e waa dagaal bilaw ah oo cusub, oo ku socda in la tirtiro taariikhda halgankii lagu xoreeyey dalkan, waa ta saddexaad'e waxa looga jeedaa fidmo laga abuuro dadka dhexdiisa, taas oo loola jeedo in lagu mijo xaabiyo qaranimada Somaliland, anigu sidaasaan qabaa, waayo cidna umay qabsan SNM dilalkaasi, haddana iyadiibaa dib loogu soo celiyey markaa anigu ma garanayo waxa looga jeedo ee aan sidaa ahayn...

Gabay Gees ka gees Mujaahid Dr. Cabdi Salam Yasiin ayaa tiriyay waaba gabay Khuseeya Halganka

Runa anaantii anoon sharax badan ka bixinayn Dr. C/sallaan Yaasiin oo ahaa mid ka mida halgamayaashii xiliga dheer u halgamayay in dadku mar uun baadilku ka tago C/salaan waa mid ka mida shantii nin ee fadhiday Miiskii lagaga dhawaaqay SNM 06.04.1981kii sida Sawirka sarena aad ku aragtaan C/sallaan waa ninka taagan ee hadlaya hadaba Dr. C/sallaan Yaasiin oo halgankii ka dib lamaqal in badan oo ay xaruntiisu tahay Dalka Saudi arebiya halkaas oo uu ku noolyahay Dr. C/sallaan ayaa hadaba tiriyay Tix la magac baxday Gees ka gees oo ka hadlaysa wakhtigii tagay iyo Wakhtagn Xaadirka ah ba isaga oo ereyadiisa ay ka mid yihiin...

Sannad guuradii 14-aad ka soo wareegaty Qaranimada Somaliland

Kudhawaaqista madaxbanaanida Somaliland waxa ay kadambaysay markii ururkii S.N.M uu ku guulayastay in uu gacanta ku dhigo dhamaan goboladii waqooyi oo uu ka xoreeyey taliskii siyaad Bare kadib markii uu halgan dheer u soo galay,waxaanu ururkii S.N.M lsmarkiiba abaabulay shirar ay isugu yimaadeen beelaha Somaliland si ay usoo afjaraan colaadii iyo cadaawadii uu dhexdhigay taliskii siyaad Bare, kuwaasoo lagu soo gunaanaday magaalada Burco oo lagaga dhawaaqay madaxbanaanida Somaliland....

31 May Maalin Kulansatay saddex munaasibadood oo Taariikhi ah Faysal Cali Sheekh, Jamhuuriya

Waxa kale oo Ciidanka SNM hawlgal ku qaadeen 29kii May 1988 Xerada Cadaadley oo sagaashan (90km) dhinaca Bari ka xigta Hargeysa. Hawlgalada Ciidamada SNM ee Hargeysa wuxu ahaa gulufkii dagaal ee taariikhda SNM ugu muddada dheeraa, dagaalkii Mujaahidiintii SNM oo 2:00 duhurnimo ee 31kii May 1988 ay ka soo dhaqaaqeen Tuulada Bali-Samatar oo waxyar u jirta xuduudda, waxay duhur cad iyaga oo saaran Kolanyo Baabuur ah ku soo jiidheen Ciidamaddii qaybta 26aad ee loogu talogalay Difaaca Magaalada ee Teedsanaa inta u dhexaysa Xuduudda iyo Magaalada iyada oo Kolonyaddii Ciidanka ay ka war heleen Diyaaradihii Sahanka Cadowga oo Markii Ciidamada SNM xuduudda ka soo gudbeen dul marayay

Baroor-diiq Geeridii Abdirahmaan Ahmed Ali iyo Halgankii SNMta. Hargeysa...November 15th '03...SNN

Cabdiraxmaan Tuur oo labaatan sannadood Safiir ahaa, labaatan kale oo xigayna jabhad iyo hoggaamiye ahaa iyo geel-dhaqasho halkee ayay iska soo galaan. Waa habeen aanu booqasho iyo kormeer ku maraynay tuulooyinka xuduudda ku taxan ee gobollada bari. Cabdiraxmaan wuxuu ahaa Xoghayaha Arrimaha Dibadda ee SNM. Waxaanu la soconnay wefdi uu hoggaaminayay Guddoomiyaha SNM. Yicib-yabooh ayaanu goor fiid ah ku soo hoyannay. Garo� oo Cabdiraxmaan ayaa marti loogu ahaa Yicib-yabooh. Kollay habeenkaa qarbe-qarbe ayuu xaalku iska ahaayoo, sabaayad ayaanu ku cashaynay. Cadihii iyo sooryadii maalintii xigtay ayay is-raaceen.

HALACSIGA MAALIN-QORKA: HESHIISKII SIYAAD BARRE & MENGISTU XAYLE MARIAM EE 1988kii

Siduu Axmed Maxamed Aadan “Qaybe” BBC-da ka sheegay heshiiskaa waxa saxeexa lagu duugay 3/4/1988kii. Muqdisho ayaa lagu saxeexay. Habeenkaa BBC-da lagu wareysanayay waxa jirtay su’aal Qaybe la weydiiyay oo aanu ka jawaabin. Yuuusf Garaad wuxu weydiiyay “Qaybe”: “Maxaa Heshiiskaa loogu saxeexi waayay Jabuuti ee la isku diiday?” Qaybe wuxu ku jawaabay: “Wallaahi tafaasiishii ma xusuusni.” Waxa kale oo uu Qaybe habeenkaa BBC-da ka sheegay in ay Siyaad Barre iyo Mengistu oo laba turjubaan la joogeen ay shirsanaayeen muddo lix saacadood ah. Maxaa haddaba arrimahan ka jiray?...

Goormay Kuugu darnayd!? waxaa ka sheekaynaya Mujaahid Haybe Axmed Gure (Haybe-Laambad)

Waxa ay iigu darnayd anigoo u madax ah ciidankii 11aad ee deggenaa xeebta Bula-Xaar iyo Boolay anagoo tiradayadu ay ahayd 150 nin oo naftood hurayaal ah oo aanwaxba cunin 4 caano maal oo ah 2 habeen iyo 2 maalmood ayaa nala ogaaday oo nala soo weeraray. Waxa na soo weeraray ciidan aan ku qiyaasay 500 nin iyo Tignikadoodii. Markii aanu ka warhelnay in weerarku nagu soo maqanyahay ayaan fayliyay ciidankii dabadeed waxaan idhi, “Waa dalkeenii iyo dadkeenii waynu u dhimanaynaa ee difaaca”. Ninka ugu badani 50 midh oo rasaas ah ayuu sitaa, waxaan ku wargeliyay,oo ku idhi, “Rasaastii iyo cuntadiiba cadawga ayaa inoo sida ee sidaa ku ogaada”.....