halganews

Hargeysa (Halganews)- “Wax-ka-beddelkii Xeer Lr.20/2001 wuu jabay, wuu dhintay, waxaannu ku shaqaynayaa xeerku sidii hore.” Sidaa waxa yidhi Guddoomiyaha Golaha Wakiillada Md. Cabdiraxmaan Maxamed Cabdillaahi oo ku dhawaaqay inuu buray xeerka cusub ee doorashooyinka degaannada iyo Madaxtooyada Somaliland.

ayuu yidhi Guddoomiye Cabdiraxmaan-cirro.

Xeerkii cusbaa ee doorashooyinka golayaasha degaanka iyo madaxtooyada Xeer Lr.20/2001 oo hore Golaha Wakiilladu wax-beddel iyo kaabis ugu sameeyeen, ayaa gebi ahaanba buray kadib markii soo celintii Guurtida ee dilista nuxurka xeerka Wakiilladu ku guuldarraystay cod aqlabiyad ah oo uu ku horistaago.

Fadhigii Golaha Wakiillada ee shalay oo uu hoggaaminayey Guddoomiyaha golaha Md. Cabdiraxmaan Maxamed Cabdillaahi (Cirro), ayaa waxa uu ahaa mid loo ballansanaa in lagaga hadlo aayaha jiritaan ee Xeer Lr.20/2001 oo ah xeerka doorashooyinka golayaasha degaanada iyo Madaxtooyada, kaas oo uu Golaha Guurtidu dib ugu celiyeen Golaha Wakiillada, kadib markii uu sheegay in wax-ka-beddelka xeerkani ka horimanayso distuurka dalka, isla markaana uu ummadda ku celinayo hab-beeleed keeni kara xasilooni-darro.

“Wax-ka-beddelka Xeerkani kuma saabsana oo keliya isbeddel lagu sameeyey xeerkan qodobadiisa qaarkood ee waxa lagu soo daray wax-ka-beddel lagu sameeyey Xeerkii Ismaamulka Gobollada iyo degmooyinka Xeer Lr.23/2002 iyo ka diiwaangelinta codbixiyayaasha Xeer Lr.37/2007. Wax-ka-beddelkani wuxuu meesha ka saarayaa habka dawladnimada, wuxuuna xoojinayaa nidaamkii hore looga soo gudbay ee hab-beeleedka. Arrintaasi Golaha Guurtidu wuxuu u arkay inay ummadda dib ugu celinayso khalkhal iyo khilaafaad hor leh oo abuuraya jahawareer.” Sidaa waxa lagu yidhi lifaaqa go’aanka Golaha Guurtidu ku horistaagay meelmarinta xeerkan, waxaannu intaa ku daray, “Wax-ka-beddelka Xeerkani wuxuu ka horimanayaa dastuurka.”

Sidaa darteeda waxa lagu sheegay lifaaqan go’aanka Golaha Guurtida in sababahaa awgood goluhu uu cod aqlabiyad ah ku diiday dhaqangalka wax-ka-beddelka lagu sameeyey Xeer Lr.20/2001.

Waxaannu lifaaqu isaga oo arrintaas ka sii hadlaya uu yidhi; “Golaha Guurtida ayaa in muddo ahba ka doodayey, wax-beddelka Xeer Lr.20/2001, doodaa kadib waxa uu goluhu u magacaabay guddi ka soo talobixisa, ayaa dhegaysigii guddiga wuxuu goluhu go’aamiyey in aan loo baahnayn wax-ka-beddelka Xeer Lr.20/2001 ee doorashada golayaasha degaanka iyo Madaxtooyada, nuxur ahaana waxa loo tirtiray wax-ka-beddelkaasi.”

Intaa kadib Guddoomiyaha Golaha Wakiillada Md. Cabdiraxmaan-cirro, ayaa mudanaayasha ku wargeliyey in iyaga oo raacaya hab-raaca xeer-dejintu tilmaamayana xeerarka ka soo noqda Golaha Guurtida uu goluhu cod u qaadayo xeerkan.

“Xeerka doorashooyinka goloyaasha degaanada iyo Madaxtooyada Jamhuuriyadda Somaliland oo ah Xeer Lr.20/2001, kaas oo Goluhu ku sameeyey kaabis iyo wax-ka-beddel, waxaynu u gudbinay Golaha Guurtida. Inagoo raacayna habka xeer dejinta ee ku xusan dastuurka Jamhuuriyadda Somaliland qodobada 77 iyo 78, sida hab-raaca xeerdejintu tilmaamayana xeerarka ka soo noqda Golaha Guurtida, waxay ku soo noqdaan mar labaad Golaha Wakiillada. Sidaa daraadeed Golaha Wakiilladu isagoo nidaamkaa raacaya waa inuu u coddeeyaa isbeddelkaa iyo kaabistaa ay ku soo sameeyeen Golaha Guurtidu. Waxaana goluhu wax ku diidaa ama wax ku ogolaadaa cod,” ayuu yidhi Md. Cabdiraxmaan-cirro.

Qaar ka mid ah mudanayaashii madasha fadhiyey, ayaa cod u qaadista uu Guddoomiyuhu ka dalbay saluugay, iyagoo soo jeediyey in aan xeerka gabi ahaantiiba cod loo qaadin ee qodobadda qaarkood laga doodo.

“Guddoomiye waxa weeye doorashadii golayaasha degaanku fooda ayey inagu haysaa, xeerkana haddii aynu isku celcelino oo kolna Golaha Wakiillada uu yimaado kolna Golaha Guurtida uu tago, iyadoon xeerba jirin ayuu waqtigu ina soo gaadhayaa. Anigu Guddoomiye waxaan ku talin lahaa intaan cod la gelin in qodobada qaarkoodna aynu ogolaano, qaarna laga doodo.” Sidaa waxa yidhi Xidhibaan Cali Yuusuf oo fadhiga golaha ka dhex kacay.

Haseyeeshee Guddoomiye Cirro waxa uu u sheegay mudanayaashii dalbaday qodobada xeerkan qaar laga doodo in aanay wax dood ahi ka furnayn xeerkan, maadaama nuxurkii laga dilay.

Sidaa daraadeed waxa goluhu cod u qaaday nuxurka wax-ka-beddelka xeerkaasi oo Golaha Guurtidu dilay. Waxa madasha hoolka golaha fadhiyey 44 mudane, 29 xildhibaan waxay taageereen in xeerkan lagu daayo sidii Golaha Wakiilladu wax-ka-beddelka hore ugu sameeyey, 10 xildhibaana waxay taageereen go’aanka Golaha Guurtida ee tirtirida nuxurka wax-ka-beddelka xeerkan, halka 4 kalena ay ka aamuseen, Guddoomiyuhuna ma codayn. Sidaa awgeed Xeer Lr/20/2001 wuu jabay maadaama looga baahnaa 55 cod mudanayaasha taageersan in sidii hore ee Golaha Wakiilladu wax-ka-beddelka ugu sameeyeen xeerkan loo daayo.

AA.Sheekh, Hargeysa.

< Prev		Next >

[ Back ]

Halganews iyo Qudbadaha jimcaha ee Masaajidka Xawaadle qudbadahan oo taxane joogta ah jimce walba halkan ka dhagayso Qudbadii Jimcahan 29.02.2008 iyo Sheekh Aadan Xaaji Maxamuud Xiiray(Aadan siiro)

Qoraalkan riix si aad u hesho ama aad u dhagaysato Qudbadihii Hore ee Sheekh Aadan Siiro

Hawl Galkii Badbaado ee lagu furtay Jeelka Mandheera 3/1/1983kii

Aniga, Xayd iyo ninkale oo sarkaal ahaa la yidhaa C/Raxmaan Maxamed Case oo naga mid ahaa waanu isu iljebinay markaanu aragnay 15ka isjiid ee magaalada badhtankeeda taagan. Waanu tashanay oo waxaanu isnidhi maxaynu samaynaa haddii la ina arko, ama ay inala hadlaan. Waxaanu gudoonsanay islamarkiiba hadday ina ogaadaan inaanu iyagaba ku bilawno oo aanaan halkiiba gaadhin baabuurtana ka qaadno....

Hawl-galkii Birjeex Ee lagula Baxay Col.C/lahi Askar

Xawligii uu Marxuum Ismaaciil gaadhigiisa ku dhexmariyey magaalada iyo kadib rasaastii uu ka ridey tiyaatarka agagaarkiisa halkaa oo waqtigaas uu Gaanni u fadhiyey in Cabdillaahi la keeno. Rasaastaas oo uu Haliil sheegay in aanay isku ogeyn, ayuu Cali isagu waxa uu ku tilmaamay mid u qorshaysnayd ganacsatadii iyo raggii kale ee caawinayey hawlgalka milateriga, looguna talagalay in lagu Yool habaabiyo Gaanni iyo ciidamadiisa oo waqtigaa goobta Ismaaciil ka ridey oo ahayd Tiyaatarka u fadhiyey in loogu keeno Cabdillaahi Askar oo Jidh iyo silic u dhammaaday si dadka loogu quusiyo.....

Labadaa dil midkood gacan ku dhiiglaha isagu geystey waxa laga raafey Cali-Xaydh

midi waa geesiyadaa oo marka cadawgu kula dagaalamayo nin-ba ninka uu ka qaalisan yahay ayuu abaaraa, Aadan Shiine iyo C/Qaadir Koosaar-na geesiyaal bay ahaayeen, waa ta labaad'e waa dagaal bilaw ah oo cusub, oo ku socda in la tirtiro taariikhda halgankii lagu xoreeyey dalkan, waa ta saddexaad'e waxa looga jeedaa fidmo laga abuuro dadka dhexdiisa, taas oo loola jeedo in lagu mijo xaabiyo qaranimada Somaliland, anigu sidaasaan qabaa, waayo cidna umay qabsan SNM dilalkaasi, haddana iyadiibaa dib loogu soo celiyey markaa anigu ma garanayo waxa looga jeedo ee aan sidaa ahayn...

Gabay Gees ka gees Mujaahid Dr. Cabdi Salam Yasiin ayaa tiriyay waaba gabay Khuseeya Halganka

Runa anaantii anoon sharax badan ka bixinayn Dr. C/sallaan Yaasiin oo ahaa mid ka mida halgamayaashii xiliga dheer u halgamayay in dadku mar uun baadilku ka tago C/salaan waa mid ka mida shantii nin ee fadhiday Miiskii lagaga dhawaaqay SNM 06.04.1981kii sida Sawirka sarena aad ku aragtaan C/sallaan waa ninka taagan ee hadlaya hadaba Dr. C/sallaan Yaasiin oo halgankii ka dib lamaqal in badan oo ay xaruntiisu tahay Dalka Saudi arebiya halkaas oo uu ku noolyahay Dr. C/sallaan ayaa hadaba tiriyay Tix la magac baxday Gees ka gees oo ka hadlaysa wakhtigii tagay iyo Wakhtagn Xaadirka ah ba isaga oo ereyadiisa ay ka mid yihiin...

Sannad guuradii 14-aad ka soo wareegaty Qaranimada Somaliland

Kudhawaaqista madaxbanaanida Somaliland waxa ay kadambaysay markii ururkii S.N.M uu ku guulayastay in uu gacanta ku dhigo dhamaan goboladii waqooyi oo uu ka xoreeyey taliskii siyaad Bare kadib markii uu halgan dheer u soo galay,waxaanu ururkii S.N.M lsmarkiiba abaabulay shirar ay isugu yimaadeen beelaha Somaliland si ay usoo afjaraan colaadii iyo cadaawadii uu dhexdhigay taliskii siyaad Bare, kuwaasoo lagu soo gunaanaday magaalada Burco oo lagaga dhawaaqay madaxbanaanida Somaliland....

31 May Maalin Kulansatay saddex munaasibadood oo Taariikhi ah Faysal Cali Sheekh, Jamhuuriya

Waxa kale oo Ciidanka SNM hawlgal ku qaadeen 29kii May 1988 Xerada Cadaadley oo sagaashan (90km) dhinaca Bari ka xigta Hargeysa. Hawlgalada Ciidamada SNM ee Hargeysa wuxu ahaa gulufkii dagaal ee taariikhda SNM ugu muddada dheeraa, dagaalkii Mujaahidiintii SNM oo 2:00 duhurnimo ee 31kii May 1988 ay ka soo dhaqaaqeen Tuulada Bali-Samatar oo waxyar u jirta xuduudda, waxay duhur cad iyaga oo saaran Kolanyo Baabuur ah ku soo jiidheen Ciidamaddii qaybta 26aad ee loogu talogalay Difaaca Magaalada ee Teedsanaa inta u dhexaysa Xuduudda iyo Magaalada iyada oo Kolonyaddii Ciidanka ay ka war heleen Diyaaradihii Sahanka Cadowga oo Markii Ciidamada SNM xuduudda ka soo gudbeen dul marayay

Baroor-diiq Geeridii Abdirahmaan Ahmed Ali iyo Halgankii SNMta. Hargeysa...November 15th '03...SNN

Cabdiraxmaan Tuur oo labaatan sannadood Safiir ahaa, labaatan kale oo xigayna jabhad iyo hoggaamiye ahaa iyo geel-dhaqasho halkee ayay iska soo galaan. Waa habeen aanu booqasho iyo kormeer ku maraynay tuulooyinka xuduudda ku taxan ee gobollada bari. Cabdiraxmaan wuxuu ahaa Xoghayaha Arrimaha Dibadda ee SNM. Waxaanu la soconnay wefdi uu hoggaaminayay Guddoomiyaha SNM. Yicib-yabooh ayaanu goor fiid ah ku soo hoyannay. Garo� oo Cabdiraxmaan ayaa marti loogu ahaa Yicib-yabooh. Kollay habeenkaa qarbe-qarbe ayuu xaalku iska ahaayoo, sabaayad ayaanu ku cashaynay. Cadihii iyo sooryadii maalintii xigtay ayay is-raaceen.

HALACSIGA MAALIN-QORKA: HESHIISKII SIYAAD BARRE & MENGISTU XAYLE MARIAM EE 1988kii

Siduu Axmed Maxamed Aadan “Qaybe” BBC-da ka sheegay heshiiskaa waxa saxeexa lagu duugay 3/4/1988kii. Muqdisho ayaa lagu saxeexay. Habeenkaa BBC-da lagu wareysanayay waxa jirtay su’aal Qaybe la weydiiyay oo aanu ka jawaabin. Yuuusf Garaad wuxu weydiiyay “Qaybe”: “Maxaa Heshiiskaa loogu saxeexi waayay Jabuuti ee la isku diiday?” Qaybe wuxu ku jawaabay: “Wallaahi tafaasiishii ma xusuusni.” Waxa kale oo uu Qaybe habeenkaa BBC-da ka sheegay in ay Siyaad Barre iyo Mengistu oo laba turjubaan la joogeen ay shirsanaayeen muddo lix saacadood ah. Maxaa haddaba arrimahan ka jiray?...

Goormay Kuugu darnayd!? waxaa ka sheekaynaya Mujaahid Haybe Axmed Gure (Haybe-Laambad)

Waxa ay iigu darnayd anigoo u madax ah ciidankii 11aad ee deggenaa xeebta Bula-Xaar iyo Boolay anagoo tiradayadu ay ahayd 150 nin oo naftood hurayaal ah oo aanwaxba cunin 4 caano maal oo ah 2 habeen iyo 2 maalmood ayaa nala ogaaday oo nala soo weeraray. Waxa na soo weeraray ciidan aan ku qiyaasay 500 nin iyo Tignikadoodii. Markii aanu ka warhelnay in weerarku nagu soo maqanyahay ayaan fayliyay ciidankii dabadeed waxaan idhi, “Waa dalkeenii iyo dadkeenii waynu u dhimanaynaa ee difaaca”. Ninka ugu badani 50 midh oo rasaas ah ayuu sitaa, waxaan ku wargeliyay,oo ku idhi, “Rasaastii iyo cuntadiiba cadawga ayaa inoo sida ee sidaa ku ogaada”.....